اسلام آباد (نیوز ڈیسک) کیپیٹل ڈویلپمنٹ اتھارٹی (سی ڈی اے) نے شہر کے تمام سیکٹرز کی بغیر کسی تفریق بحالی اور اپ گریڈیشن کا جامع منصوبہ شروع کر دیا ہے۔ چیئرمین محمد علی رندھاوا کی زیرِ صدارت اجلاس میں یہ فیصلہ کیا گیا کہ سڑکیں، فٹ پاتھس، لائٹس، سیوریج، ڈرینیج، سائن بورڈز، لین مارکنگ اور ربر سپیڈ بریکرز سمیت ہر چیز کو جدید تقاضوں کے مطابق بنایا جائے گا۔ کام کا آغاز سپر مارکیٹ، جناح سپر، آبپارہ، کراچی کمپنی اور بلیو ایریا سے ہو گا۔
سڑکوں اور فٹ پاتھس کی مجموعی مرمت
سی ڈی اے تمام پرانے سیکٹرز میں سڑکوں کی تعمیر نو، ری پیونگ، پیچ ورک اور نئی سڑکیں بنائے گی۔ خراب فٹ پاتھس کی مرمت کے ساتھ ساتھ نئے فٹ پاتھس بھی تعمیر کیے جائیں گے تاکہ پیدل چلنے والوں کو زیادہ سہولت ملے۔ چیئرمین نے ہدایت کی کہ کام کا معیار بلند رکھا جائے اور لاگت مناسب ہو۔
لائٹنگ، سیفٹی اور سیوریج کا جدید نظام
شہر بھر میں ٹوٹے ہوئے سٹریٹ لائٹس اور کھمبے بدلے جائیں گے، نئے لگائے جائیں گے۔ سائن بورڈز، لین مارکنگ اور ربر سپیڈ بریکرز لگا کر ٹریفک سیفٹی کو یقینی بنایا جائے گا۔ سیوریج اور ڈرینیج سسٹم کی مکمل اپ گریڈیشن کی جائے گی، مین ہولز اور کرب سٹونز کی مرمت و تعمیر بھی شامل ہے۔ پرانے سیکٹرز میں صفائی ستھرائی کے لیے جامع لائحہ عمل بنایا جا رہا ہے۔
یہ بھی پڑھیں: کیا پاکستان ٹور رپورٹس کے دعوے کو ترک کرنے پر دباؤ ڈالنے کے بعد چارتھ اسالنکا کو ہٹا دیا جائے گا؟
کاروباری برادری کو اعتماد میں لیا جائے گا
چیئرمین رندھاوا نے واضح کیا کہ تجاری علاقوں میں کام کے دوران تاجر برادری کو مکمل اعتماد میں لیا جائے گا تاکہ کاروبار متاثر نہ ہو۔ انجینئرنگ ونگ نے تمام پرانے سیکٹرز کا سروے مکمل کر کے تخمینہ جات تیار کر لیے ہیں۔ سیکٹرز کی خوبصورتی کے لیے آرکیٹیکٹس بھی خدمات دیں گے اور جدید مشینری استعمال کی جائے گی۔
یہ منصوبہ مکمل ہونے پر اسلام آباد نہ صرف زیادہ خوبصورت ہو گا بلکہ شہریوں کو عالمی معیار کی سہولیات بھی میسر آئیں گی۔
