مدینہ منورہ – ادارہ امور حرمین شریفین نے مسجد نبوی میں روضہ رسول ﷺ کی زیارت اور ریاض الجنہ میں نوافل ادا کرنے کے نئے اوقات جاری کر دیے ہیں تاکہ زائرین کی سہولت بڑھائی جا سکے اور ازدحام کو کم کیا جا سکے۔ یہ تبدیلیاں فوری طور پر نافذ العمل ہو گئی ہیں۔
مرد زائرین کے نئے اوقات
مردوں کے لیے روضہ رسول ﷺ کی زیارت رات دو بجے سے فجر تک اور دن میں گیارہ بجے سے عشاء تک کھلی رہے گی۔ جمعہ کے دن خاص طور پر نماز جمعہ کے بعد سے عشاء تک زیارت کا موقع ملے گا۔
خواتین کے لیے مخصوص اوقات
خواتین زائرین فجر کے بعد صبح گیارہ بجے تک اور عشاء کے بعد رات دو بجے تک زیارت کر سکیں گی۔ جمعہ کو صبح فجر کے بعد سے نو بجے تک خصوصی انتظام رہے گا۔
یہ بھی پڑھیں: لاہور: محکمہ ماحولیات نے پنجاب یونیورسٹی کی دھواں خارج کرنے والی بسوں پر پابندی لگا دی
سہولت اور نظم و نسق کا مقصد
ادارہ حرمین شریفین کا کہنا ہے کہ یہ نئے شیڈول زائرین کی تعداد میں مسلسل اضافے اور عازمین کی سہولت کو مدنظر رکھ کر تیار کیے گئے ہیں تاکہ ہر کوئی پرامن ماحول میں زیارت اور عبادت کر سکے۔
