برطانیہ کی معروف یونیورسٹی آف ایکسٹر نے 2026-27 کے لیے ایکسلنس اسکالرشپ کا اعلان کر دیا ہے جو دنیا بھر کے قابلِ صد اعلیٰ تعلیمی کارکردگی اور لیڈرشپ صلاحیتوں والے انڈرگریجویٹ طلبہ کو £10,000 سالانہ تک ٹیوشن فیس میں کمی کی سہولت فراہم کر رہی ہیں۔ درخواستوں کی آخری تاریخ 12 فروری 2026 ہے۔
یونیورسٹی آف ایکسٹر دنیا کی ٹاپ 150 یونیورسٹیوں میں شامل ہے اور اس کے اسکالرشپ خاص طور پر ان طلبہ کے لیے ہیں جو خود فنڈنگ کر رہے ہوں اور ان کے اے لیول یا مساوی نتائج AAB یا اس سے بہتر ہوں۔ کامیاب طلبہ کو ہر سال £3,000 یا £5,000 کی کمی ملے گی جو کچھ علاقائی اسکالرشپ کے ساتھ مل کر £10,000 تک ہو سکتی ہے۔
درخواست کا طریقہ کار طلبہ کو سب سے پہلے انڈرگریجویٹ پروگرام میں کنڈیشنل یا ان کنڈیشنل آفر لینا ہوگا۔ اس کے بعد 300 الفاظ کا ذاتی بیان (personal statement) جمع کرانا ہوگا جس میں اپنی قائدانہ صلاحیتوں، کیریئر اہداف اور یونیورسٹی کمیونٹی میں کردار واضح کیا جائے۔ تمام درخواستیں آن لائن پورٹل کے ذریعے جمع کی جائیں گی۔
پاکستانی طلبہ کے لیے اہم نکات گزشتہ برسوں میں درجنوں پاکستانی طلبہ کو یہ اسکالرشپ مل چکی ہے۔ ماہرینِ تعلیم کا کہنا ہے کہ بروقت درخواست اور مضبوط ذاتی بیان کامیابی کی کنجی ہے۔ پاکستانی طلبہ جو ایف ایس سی یا اے لیول میں 80 فیصد سے زائد نمبر لے چکے ہوں ان کے لیے یہ بہترین موقع ہے۔
یہ بھی پڑھیں: وزیراعلیٰ پنجاب لیپ ٹاپ اسکیم اب نجی یونیورسٹیوں کے طلبہ تک بھی توسیع
یہ اسکالرشپ کے ذریعے ہر سال سینکڑوں غیر ملکی طلبہ برطانیہ میں اعلیٰ تعلیم حاصل کر رہے ہیں۔ پاکستانی طلبہ سے گزارش ہے کہ 12 فروری 2026 سے پہلے مکمل دستاویزات کے ساتھ درخواست جمع کرا دیں تاکہ اس سنہری موقع سے فائدہ اٹھایا جا سکے۔
